29.06.2022
Գնի բարձրացմանը զուգահեռ մեծանում են գնմամբ պայմանավորված ռիսկերը․ այդ է պատճառը, որ, օրինակ, լամպ գնելիս երկար չենք մտածում վերջինի պարամետրերի մասին, ինչը չի կարելի ասել ավտոմեքենայի կամ անշարժ գույքի գնման դեպքում։
Իսկ որո՞նք են բնակարանի ձեռքբերման ժամանակ հաշվի առնվելիք ամենաէական գործոնները։
Գործոնների էականությունը կախված է դրանց փոփոխելիությունից։ Այսպես, Դուք կարող եք վերանորոգել բնակարանը, կատարել որոշակի ձևափոխություններ, սակայն դժվար թե կարողանաք փոխել, օրինակ, շենքի տեղակայումը, տիպը կամ հարկը։ Առհասարակ անշարժ գույք ձեռք բերելու ռիսկերը կապված են ոչ միայն բարձր գնի, այլև այն հանգամանքի հետ, որ անշարժ գույքի ձեռքբերումը ներդրում է երկարաժամկետում։ Ձեռք բերելով անշարժ գույք՝ Դուք հավանաբար նախատեսում եք շահագործել այն շատ դեպքերում տասնյակ տարիներ։
Հիմա անդրադառնանք գործոններից յուրաքանչյուրին։
Նախ պետք է որոշել, թե որ շուկայից եք նախընտրում բնակարան ձեռք բերել։ Առաջնային շուկայից (նույն ինքը կառուցապատողից) բնակարանի ձեռքբերման գլխավոր առավելությունը եկամտահարկի վերադարձից օգտվելու հնարավորությունն է։ Բացի այդ, Դուք ստանում եք բնակարանը նախընտրելի ոճով վերանորոգելու, երբեմն` նախագծելու հնարավորություն։ Սրան գումարվում են նորակառույցի բոլոր հիմնական առավելությունները։
Երկրորդային շուկայի դեպքում կատարվում է վերավաճառք, իսկ բնակարանը շատ դեպքերում արդեն շահագործված է։ Ի տարբերություն անմիջապես կառուցապատողից գնման` այս դեպքում ստիպված չեք լինի նախ սպասել մինչ շենքի շահագործման հանձնվելը, ապա նաև մինչև բնակարանի վերանորոգման ավարտը։ Կարճ ասած` 2-րդային շուկայի դեպքում սովորաբար ամեն բան շատ ավելի արագ է ստացվում։
Բնակարան գնելիս պետք է գիտակցել, որ ընտրում եք ոչ միայն բուն բնակարանը, այլև գտնվելու վայրը, հետևաբար պետք է հասկանալ՝ որքանով է այն բնակվելու համար հարմարավետ։ Անհրաժեշտ է ուշադրություն դարձնել հարակից հարմարություններին՝ խանութներ, կանգառներ, մետրո, կրթական հաստատություն, դիրքը փողոցի նկատմամբ (վերջինն ազդում է աղմուկի վրա)։
Պետք է հաշվի առնել շենքի տիպը (քարե, պանելային, մոնոլիտ), նախագիծը, մաշվածությունը, վթարայի՞ն է, թե՞ ոչ, եթե այո` վթարայնության ի՞նչ կարգ ունի։
Շենքի նախագծից կախված են ինչպես սենյակների դասավորությունը, դրա հարմարավետությունը, առաստաղի բարձրությունը, այնպես էլ ձևափոխություններ կատարելու հնարավորությունը։
Ստալինյան և Խրուշչովյան նախագծերի առանձնահատկություններին կարող եք ծանոթանալ՝ մուտք գործելով կայքի “Նորություններ” բաժին։
Մտնելով գեղեցիկ, վերանորոգված, կահավորված բնակարան` չմոռանաք ուշադրություն դարձնել լուսավորությանը։ Հիշեք, որ բնակարանը կարելի է վերանորոգել ժամանակի ընթացքում, սակայն լուսավորությունն էլ չեք փոխի։
Հարկի հետ կապված հնարավոր խնդիրները սովորաբար առնչվում են առաջին և վերջին հարկերին։ Առաջին հարկի դեպքում անհրաժեշտ է ուշադրություն դարձնել՝ արդյո՞ք բարձր 1-ին հարկ է (որքանո՞վ է անցուդարձը տեսանելի դրսից), առկա՞ է արդյոք խոնավության խնդիր։ Վերջին հարկի պարագայում կարևորվում է տանիքի վիճակը՝ վերանորոգվա՞ծ է, թե՞՝ ոչ, բարձր հարկի պարագայում՝ վերելակի առկայությունը, դրա վիճակը։
Սա թերևս գործոններից ամենաճկունն է։ Վերանորոգված բնակարանի պարագայում Դուք կարող եք առանց ժամանակ կորցնելու տեղափոխվել և վայելել նոր բնակարանը, սակայն հակառակ դեպքում էլ ստանում եք Ձեզ համար ցանկալի լուծումներ կիրառելու ազատություն։ Հետևաբար, եթե ունեք ժամանակ, ապա վերանորոգման հետ կապված խնդիրները դառնում են երկրորդական։ Մասնակի վերանորոգման դեպքում պետք է հաշվի առնել, թե բնակարանի ո՞ր սենյակները կարիք ունեն վերանորոգման և ի՞նչ ծախսերի հետ են կապված։ Օրինակ՝ սանհանգույցի վերանորոգված լինելը էապես կկրճատի վերանորոգման ծախսերը։
Բնակարանի որոնում կարող եք կատարել տվյալ կայքում՝ սեղմելով լոգոյի վրա։ Կարող եք նաև ուղարկել Ձեր հայտը՝ մուտք գործելով կայքի ≡ «Ուղարկել հայտ» բաժին։
«Ալեքս-Ռեկռուտինգ» ՍՊԸ-ն, որի կազմում գործում է «Ալեքս-Ռ» անշարժ գույքի գործակալությունը սկսել է իր աշխատանքը 2006 թվականից և ունի իր ուրույն և կայուն դիրքը՝ շնորհիվ ազնիվ աշխատանքի, պրոֆեսիոնալիզմի և հաճախորդներին ցուցաբերած անհատական մոտեցման:
«Ալեքս-Ռ»-ը տրամադրում է ծառայությունների ամբողջական փաթեթ, որը թույլ է տալիս հաճախորդին արագ իրագործել ցանկացած գործարք անշարժ գույքի ոլորտում:
Համապատասխան որակավոման և բազմամյա փորձի շնորհիվ՝ «Ալեքս-Ռ» ընկերության պրոֆեսիոնալ անձնակազմը Ձեզ կօգնի իրականացնել շահավետ գործարքներ՝ ապահովելով գործարքի գաղտնիությունը, և զերծ մնալ գործարքի ընթացքում բարձր ռիսկերից՝ հասցնելով դրանք նվազագույնի:
«Ալեքս-Ռ» ընկերության իրավաբանական բաժնի աշխատակիցները կապահովեն Ձեր գործարքների օրինականությունը, փաստաթղթերի ճշտությունը և ծագած ցանկացած խնդիրների արագ և որակյալ լուծումը:
Մենք գործում ենք Երևան քաղաքի տարբեր համայնքներում և պատրաստ ենք օգնելու Ձեզ կատարել ճիշտ, արագ և շահավետ գործարքներ:
Մենք սիրում ենք մեր հաճախորդներին և ուրախ կլինենք Ձեզ տեսնել նրանց թվում:
«ԱԼԵՔՍ-Ռ»՝ ԼԱՎԱԳՈՒՅՆԸ ՀՆԱՐԱՎՈՐ Է ՄԵԶ ՀԵՏ
